సమకాలీన సామెతలు

• కరోనా పేషంటుకి దగ్గులు నేర్పినట్లు.

• తమ్ముడు తమ్ముడే...సోషల్ డిస్టెన్సు  సోషల్ డిస్టెన్సే...!

• దగ్గయి వంగనిది కరోనా అయి వంగుతుందా...?

• సర్వేంద్రియాణాం శ్వాసకోసం ప్రధానం.

• ఆడలేక మాస్కు మాసిందన్నాట్ట.

• బాటిల్లో పోస్తేనే శానిటైజర్ అయినట్లు.

• కరోనాకి కొడుకున్నాడు గానీ...పడిశానికి పెద్దన్న లేడు.

• అయ్య బజార్లు తిరుగుతుంటే...కొడుకు బాసింపట్టేసుకుని కూకుంటాడా?

• పొమ్మనలేక...తుమ్మినట్లు.

• గుడి కన్నా బందెలదొడ్డి పదిలం.

• పోన్లే పాపమని తొడుక్కోడానికి మాస్కు ఇస్తే....గుడెనక్కి పోయి అరుగు తుడిచాడట.

• కరోనా వచ్చినాక కర్చీఫు కోసం వెతుక్కుని ఏం లాభం?

• పనిమనిషికి పెత్తనం ఇస్తే శానిటైజర్ తో చెప్పులు తుడిచిందట. 

• జ్వరం వచ్చినోడెళ్ళి కరోనా వచ్చినోడితో మొఱపెట్టుకున్నాడట.

• గోరంత వైరస్ జగమంత ఒణుకు.

• దగ్గేవాడికి... కరోనా వచ్చినోడు లోకువ.

• తోచీతోచనమ్మ కరోనా వచ్చినోళ్ళతో కబడ్డీ ఆడితే....ఇంకా తోచనమ్మ ఐసోలేషన్ సెంటర్ కెళ్ళి సెల్ఫీ దిగిందట.

• చూసి రమ్మంటే అంటించుకుని వచ్చేట్ట.

• కరోనా వచ్చిందని ఒకడేడుస్తుంటే .... పేకాటకి ఒక హ్యాండు తగ్గిందని ఇంకోడేడ్చాడట.

• చేయి చూసి జాతకం చెప్పే పంతులు... కరోనాతో కడతేరాడట. 

• ఇదిగో జొరం అంటే...అదిగో కరోనా అన్నట్లు. 

• ఆసుపత్రికెళ్ళి బరువు చూసుకున్నా... కరోనా అనే అంటారు.

• ఇచ్చుకొంటినమ్మ బనానా... పుచ్చుకొంటినమ్మ కరోనా అన్నట్లు. 

• కరోనా.... సంచార పురుష లక్షణం 

• తిరుగుబోతుకి లేని గుట్టు కరోనాకెందుకు?

• పోలీసు దెబ్బలు తప్పినా కరోనా దగ్గులు తప్పవు. 

• కథకు కాళ్ళు లేవు, కరోనాకు కళ్ళు లేవు.

• అత్తకు మెత్తన, కరోనాకు మంచీ లేవు. 

• కరోనా ఏల వచ్చెరా కనకలింగమా అంటే....తిరిగి చెడ్డ ఫలితంరా తిరుపలింగమా అన్నాట్ట. 

• కరణాన్ని, కరోనా పేషంటుని కాటికి పోయినా నమ్మరాదు. 

• కాలం, కర్మం కలిసి రాకపోతే కమలబాంధవుడికైనా కరోనా తప్పదు. 

• ముక్కు వంకర... మాస్కు తీరుస్తుంది.

• పిండి కొద్దీ రొట్టె, పుణ్యం కొద్దీ పురుషుడు, తిరుగుడు కొద్దీ కరోనా.

• అత్త పోరు, మామ పోరు కరోనా తీర్చిందట. 

• మొదలే చప్పిడిముక్కు, దానికి తోడు కరోనా...

• హోమ్ క్వారంటైన్ కి ఎక్కువ ఐసోలేషన్ సెంటర్ కి తక్కువ.

• అంబులెన్సు ఎక్కరా మామా అంటే...విండో సీటయితేనే ఎక్కుతా మావా అన్నాట్ట.

• కరోనా కథంతా విని అది కాళ్ళకి వచ్చే జబ్బా అనడిగాట్ట.