స్త్రీ-పురుష సంబంధాలు

ప్రేమ  

• ఒక శరద్రాత్రి, ఏటవాలు క్షణాల మీద నిటారుగా నిలబడి వెన్నెల తీవెల్ని మీటగల అనుభవాన్ని ఇచ్చేదే ప్రేమ. కనురెప్పల మైదానాల మీద కలల విత్తనాలు జల్లి అనుభూతుల పంట పండించేదే ప్రేమ. నీ అద్భుతంలో, నీ అనంతంలో, నీ అద్వితీయంలో నా సర్వస్వం విలీనమవ్వడం ప్రేమ^[3]
• .^[4]
• ప్రేమ ఇంద్రధనుస్సు అయితే ఆ ఏడు రంగులూ- ఆకర్షణ, అవగాహన, తాదాత్మ్యత, స్పర్శ, కామం, ఓదార్పు.^[5]
• ప్రేమించడానికి ముఖ్యమైన అర్హత వ్యక్తిత్వం. ప్రేమించబడడానికి ముఖ్యమైన అనర్హత ఆధారపడడం.^[6]

విషాదం 

• అవతలి మనిషి విసుగును సహనంతో, కోపాన్ని క్షమతో, బలహీనతని ప్రేమతో, తప్పుని నవ్వుతో ఎదుర్కొనే మనిషికి జీవితంలో విషాదం ఉండదు.^[7]
• ఏడ్పులేకపోవడం పరిపూర్ణమైన విషాదానికి ఉచ్ఛ స్థితి.^[5]
• నవ్వుని ఆహ్వానించినట్టే కన్నీటిని కూడా ఒక్కోసారి ఆహ్వానించాలి. లేకపోతే వేదనమీద కృత్రిమమైన జీవన విధానం కరడుకట్టి, స్వభావ సిద్ధమైన వ్యక్తిత్వాన్ని, స్వచ్ఛమైన చిరునవ్వునీ నొక్కిపారేస్తుంది.^[2]

జీవితం 

• జీవితం పట్ల అవగాహన ఉన్నవాడు నిస్సారంగా కాలం గడపడం కన్నా ఘోరం ఇంకోటి ఉండదు.^[8]
• జీవితం ఒక లెక్కలాంటిది. చేసిన ప్రతి స్టెప్పూ మళ్ళీ ఒకసారి పరిశీలించి చూసుకుంటే లెక్క తప్పటానికి వీలుండదు.^[9]
• చీకట్లో వున్నామని దిగులు పడుతూ కూర్చుంటే,జీవితం చివరివరకూ అగిపెట్టె గూట్లోనే వుండిపోతుంది.^[6]
• జీవితం నెత్తిమీద అనుభవం మొట్టినప్పుడు కొందరు బాధతో విలవిలలాడుతారు. మరికొందరు నిద్రలోంచి మేల్కొంటారు.^[10]
• జీవితానికి నాలుగు సూత్రాలు. 1. మనం సుఖంగా వుండాలి. 2. మన సుఖం ఎవరికీ ఈ ప్రపంచంలో దుఃఖం కలిగించకూడదు. 3. మన ప్రస్తుత సుఖం మనకి గిల్ట్ ఫీలింగ్ ఇవ్వ కూడదు 4. మన భవిష్యత్తు నాశనం చేయకూడదు.^[11]
• అధ్యయనం చేయాలనుకుంటే మనిషి జీవితంకన్నా గొప్ప వేదం లేదు.^[5]
• ఎదుటివాళ్ళు పెట్టే రూల్స్ వల్ల ఎదుటివాళ్ళే బాగుపడతారు. మనం బాగుపడం^[12]

మనసు 

• మనిషి స్వరూపం కష్టాల్లో ఉన్నపుడే బయటపడుతుంది
• మనుష్యులు తమకేదైనా కష్టం గానీ, నష్టంగానీ కలిగితే "నేను కాదు. ఇదిగో దీనికి కారణం ఇది." అని వెంటనే ఒక ముగింపు నిర్ణయానికి వచ్చేస్తారు.

(యండమూరి వీరేంద్రనాథ్)